- २८ जेष्ठ २०८३, बिहीबार / Jun 11, 2026
काठमाडौं । मनाङ एयरका पाइलट प्रकाश सेढाईंको निधन भएको छ । गएको असोज २७ गते शनिबार सोलुखुम्बुमा उनले चलाएको हेलिकोप्टर दुर्घटना भएको थियो । दुर्घटनामा परी घाइते भएका उनलाई तत्काल उपचारका लागि काठमाडौंको ह्याप्स अस्पताल ल्याइएको थियो ।
तर उपचार हुन नसकेपछि थप उपचारका लागि मुम्बई लगिएको थियो । भारतको नेसनल बर्न सेन्टर मुम्बईमा उपचारका क्रममा हिजो निधन भएको हो । मनाङ एयरले विज्ञप्ति निकाली चिकित्सकहरूको अथक प्रयत्नका बाबजुद उपचारका क्रममा पाइलट सेढाईंको निधन भएको जनाएको छ।
दुर्घटनामा परी उनको ५० प्रतिशत शरीर जलेको थियो। हाइ अल्टिच्युडमा रहेका यात्रु ल्याउन शनिबार बिहान ७ बजेर १३ मिनेटमा उडेको हेलिकोप्टर दुर्घटना भएको थियो ।
