- १७ श्रावण २०८३, आईतवार / Aug 2, 2026
काठमाडौं । फागु पूर्णिमा अर्थात होली सुरक्षित र व्यवस्थित ढङ्गले मनाउन सबैलाई आग्रह गर्दै उच्छृ्खल व्यवहार गर्नेमाथि कारबाही गर्ने प्रहरीले बताएको छ ।
चैत ३ गते बिहीबारलाई काठमाडौँ उपत्यका लक्षित ‘विशेष सुरक्षा योजना’ जारी गर्दै प्रहरीले होलीका नाममा अश्लील, उच्छृङ्खल र अप्रिय गतिविधि हुन नदिन उपत्यकामा विभिन्न स्थानमा ३५ सयभन्दा बढी सुरक्षाकर्मी परिचालन गरेको छ ।
महानगरीय प्रहरी प्रमुख प्रहरी अतिरिक्त महानिरीक्षक हरिबहादुर पालले काठमाडौँ, ललितपुर र भक्तपुर प्रहरी परिसर प्रमुख तथा महानगरीय ट्राफिक प्रहरी प्रमुखलाई होली सुरक्षा व्यवस्था बलियो बनाउन निर्देशन दिएका छन् ।
रङ र अबिरका साथ एकापसमा खुसियाली साटासाट गरी हर्षोल्लासमय वातावरणमा मनाइने होली पर्वका नाममा अराजक गतिविधि हुन नदिन सुरक्षा योजना लागू गरिएको जानकारी दिए ।
जथाभावी लोला हान्ने, पानी छ्याप्ने, ट्राफिक नियमको पालना नगर्ने, मदिरा सेवन गरी सवारी चलाउने, झैझगडा गर्ने र महिलामाथि दुव्र्यबहार गर्नेमाथि कडा कारबाही गर्ने यसका लागि सुरक्षा व्यवस्था कडा पारिएको प्रहरीले जनाएको छ ।
