- २८ असार २०८३, आईतवार / Jul 12, 2026
काठमाडौं । त्रिवि शिक्षण अस्पताल (टिचिङ हस्पिटल) मा ११ महिने शिशुको कलेजो प्रत्यारोपण भएको छ ।
शनिबार राति ८ घण्टा लगाएर कलेजो प्रत्यारोपण गरेको त्रिवि शिक्षण अस्पतालले जनाएको छ । प्रत्यारोपणका लागि बालकलाई उनका ३५ वर्षका बाबुले कलेजो दान गरेका हुन । काभ्रे घर भएका ति बालकको डेढ महिनादेखि प्रत्यारोपणको लागि तयारी गरिएको अस्पतालका लिभर, प्यान्क्रियाज सर्जन प्रा.डा. रमेश सिंह भण्डारीले बताए ।
उनकै नेतृत्वमा शिक्षण अस्पतालमा कलेजो प्रत्यारोपण सुरु भएको थियो । यो सहित अहिले सम्म पाँचौं कलेजो प्रत्यारोपण सम्पन्न भएको हो । सानो उमेरमा भने यो पहिलो प्रत्यारोपण हो । प्रत्यारोपणमा सघाउन फोर्टिस अस्पताल भारतका डा विजय भिजको नेतृत्वमा चिकित्सकको टोली नेपाल आएको थियो ।
मिर्गौला र कलेजो प्रत्यारोपण हुने त्रिवि शिक्षण अस्पतालमा कोरोना महामारीमा सेवा रोकिएका थिए । महामारी सुरु भए यताको यो पहिलाे प्रत्याराेपणहाे ।
