२० असोज देखि दशैंको अग्रिम टिकट बुकिङ, व्यवसायी भने छलफलमा

काठमाडौं । असोज २० गतेबाट सार्वजनिक सवारीमा दशैंको अग्रिम टिकट बुकिङ खुलाउन यातायात व्यवस्था विभागले प्रस्ताव गरेको छ । विभागले असेज २०देखि २५सम्म अग्रिम टिकट बुकिङ खुला गर्न प्रस्ताव गरेको हो ।

दशैंमा जतिसक्दो छिटो उपत्यका छाड्ने यात्रुका लागि अग्रिम टिकट बिक्री गर्ने व्यवस्था गर्न व्यवसायीलाई आग्रह गरिएको विभागका प्रवक्ता लोकनाथ भुसालले बताए । विगत वर्षमा दशैंका बेला २० लाखले उपत्यका छाड्ने गरेको भएपनि यसपालि कोरोना महामारीले गर्दा दुई, तीनलाखले पनि मुस्किलले उपत्यका छोड्ने अनुमान विभागले गरेको छ ।

सरकारले गरेको प्रस्तावमा व्यवसायीहरुले भने असहमति जनाएका छन् । सार्वजनिक यातायात सञ्चालनका सम्बन्धमा सरकारले लिएको नीति पुनरावलोकन हुनुपर्ने माग व्यवसायीको छ ।