- १६ असार २०८३, मंगलवार / Jun 30, 2026
काठमाडौँ । नेपालमा थप १ हजार ३५१ जनामा कोरोना पुष्टि भएसंगै नेपालमा संक्रमितको संख्या ७४ हजार ७४५ पुगेको छ । एकैदिन ७४२ जनाले कोरोनालाई जितेका छन् भने अहिलेसम्म निको हुनेको संख्या ५४ हजार ६४० पुगेको छ । संक्रमितको संख्या १९ हजार ६२४ पुगेको छ ।
उपत्यकामा ८१७ संक्रमित थपिए
६४९ सहित काठमाडौँ उपत्यकामा ८१७ जना कोरोना संक्रमित थपिएका छन् । काठमाडौँमा २३५ महिला र ४१४ पुरुषमा कोरोना संक्रमण पुष्टि भएको हो । भक्तपुरमा १६ महिला र २० पुरुषसहित ३६ जनामा कोरोना संक्रमण पुष्टि भएको छ । त्यस्तै ललितपुरमा ५० महिला र ८२ पुरुषसहित १३२ जनामा कोरोना पुष्टि भएको छ ।
मृतकको संख्या ४८१ पुग्यो
थप ४ जनाको मृत्यु भएको छ । योसँगै नेपालमा कोरोना संक्रमणबाट ज्यान गुमाउनेको संख्या ४८१ पुगेको छ ।
