- २८ जेष्ठ २०८३, बिहीबार / Jun 11, 2026
काठमाडौँ । लुटपाट गरी भाग्ने चार जना पक्राउ परेका छन् । झापाको बिर्तामोडबाट लुटपाट गरेर भागेका उनीहरुलाई प्रहरीले पक्राउ गरेको हो ।
बिर्तामोड बसपार्क नजिकै दुई कट्टा जग्गा किन्नका लागि मोरङको उर्लाबारीबाट आएका विष्णुमाया सापकोटा र अनिल विश्वकर्माको ३२ लाख रुपैयाँ लुटेर जग्गा कारोबारी फरार भएका थिए ।
सस्तोमा जग्गा पाइएको छ आजै बैना गर्न आउनुस भनेर उनीहरूलाई बोलाई ३२ लाख रुपैयाँ चार जना इलाम भागेको जिल्ला प्रहरी कार्यालय झापाका सूचना अधिकारी खगेन्द्र प्रसाद रिजालले बताए ।
जग्गा बैना गर्ने नाममा रकम लुटपाट गर्ने झापाको कमल गाउँपालिका ५ का विजय राई, बेलबारी नगरपालिका ६ घर भई झापाको मेचीनगर नगरपालिका ६ बस्ने ५५ वर्षीय रणबहादुर पोख्रेल, काठमाडौँका राजेश श्रेष्ठ र जनक रेग्मी रहेका छन् ।
चार जनाले पूर्वनिर्धारित योजनाअनुसार जग्गा खरिदकर्ता विष्णुमायाको ३२ लाख लुटेर फरार भएको प्रहरीले जनाएको छ ।
