- १४ आश्विन २०८३, बुधबार / Sep 30, 2026
काठमाडौँ । ६७० जना कैदीको सरकारले बाँकी कैद कट्टा गरी आममाफी दिएको छ। संविधान दिवसको दिनदेखि लागू हुने गरी कैद माफी गरिएको हो। संविधान दिवसको अवसरमा असल आचरण भएकाहरूलाई आममाफी दिएको हो ।
राष्ट्रपति कार्यालयका अनुसार भीमबहादुर खवाससमेत ४९७, हर्कबहादुर लिम्बुसमेत १७० र ज्येष्ठ नागरिक सहनदिन भन्ने समदिन मियाँसमेत जम्मा ३ गरी कुल ६७० जना कैदीहरूको भुक्तान हुन बाँकी कैद कट्टा गरी सजाय माफी गरिएको हो।
मन्त्रिपरिषद्को भदौँ २९ को बैठकको सिफारिस बमोजिम यही असोज ३ गतेदेखि लागू हुने गरी संविधान दिवस, २०८० को अवसरमा राष्ट्रपतिबाट कैद माफी भएको राष्ट्रपति कार्यालयले जनाएको छ ।
