- १६ श्रावण २०८३, शनिबार / Aug 1, 2026
काठमाडौं । दुवईबाट त्रिभूवन अन्तर्राष्ट्रिय विमानस्थलमा अवतरण गरेका दुईजना पक्राउ परेका छन् । हिमालय एयरलाईन्सबाट काठमाण्डौं पुगेका बंगलादेशी नागरिक विशेष सूचनाको आधारमा सोमबार त्रिभुवन अन्तर्राष्ट्रिय विमानस्थलबाट पक्राउ परेका हुन ।
प्रहरीले चेकजाँच गर्ने क्रममा उनले लगाएको पाईन्टको कम्मरको भागमा फल्स बटम बनाई मेटल डिटेक्टरले समेत डिटेक्ट गर्न नसक्ने बनाएको पेटी आकारको अर्धठोस सुनको एक थान, उनले लगाएको भित्री वस्त्रमा लुकाई छिपाई लिई डिटेक्टरले समेत डिटेक्ट गर्न नसक्ने बनाएको बेलना आकारको अर्धठोस सुन २ थान गरी ९ सय ३६ ग्राम सुन बरामद गरेको प्रहरीले जनाएको छ ।
उक्त सुनको अन्दाजी मुल्य सतहत्तर लाख उन्नाईस हजार छ सय साठी रहेको छ । भारतीय नागरिक पारस नाथ साहले भन्सार छली गर्न लगाएको खुलेपछि भारतीय नागरिक पारस नाथ साहलाई समेत प्रहरीले नियन्त्रणमा लिएको छ । दुबै जनालाई कारबाहीका लागि आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालयमा प्रहरीले बुझाइएको छ ।
