- २५ भाद्र २०८३, बिहीबार / Sep 10, 2026
धनुषा । मिथिला नगरपालिका ३ स्थित सतलोक आश्रममा १३ जोडीको सामूहिक अन्तरजातीय विवाह सम्पन्न भएको छ ।
आश्रममा ५१०औं तीन दिवसीय दिव्य धर्म यज्ञको अवसरमा सोमबार १३ जोडीको सामूहिक विवाह भएको हो । असुर निकन्द रमेणी मन्त्रको उच्चारण गरी १७ मिनेटमा १३ जोडीको सामूहिक विवाह सम्पन्न गराइएको शन्त रामपालका अनुयायी इश्वरदत्त भट्टले बताए ।
विवाह सम्पन्न हुने चार जोडी नेपाल र ९ जोडी भारतका हुन् । असुर निकन्दन रमेणी मन्त्रको उच्चारण गरी १७ मिनेटमा सम्पन्न गरिने भएकाले यसलाई रमेणी विवाह भनिन्छ ।
यो विवाह पूर्णतः आदर्श एवं दाइजोमुक्त हुन्छ । अन्तरजातीय विवाह गर्नु पहिले सबै जोडीका अभिभावकको उपस्थिति अनिवार्य थियो । आइतबारदेखि दाइजोमुक्त विवाह कार्यक्रम भइरहेको आश्रमले जनाएको छ ।
