कमलपोखरीको मःम पसलमा ग्यास विस्फोट हुँदा १४ जना घाइते, ११ जनाको वर्न अस्पतालमा उपचार हुँदै

काठमाण्डौ । काठमाण्डौको एउटा मःम पसल ग्यास सिलिण्डर विस्फोट हुँदा १४ जना घाइते भएका छन् । कमलपोखरीमा रहेको मःम पसलमा ग्याँस सिलिण्डर विस्फोट हँुदा १४ जना घाइते भएका हुन् ।

घाइतेमध्ये तीन जनाको अवस्था सामान्य रहेको र ११ जनालाई अस्पताल लगिएको प्रहरीले जनाएको छ । विहीबार बिहान पौने ९ बजेतिर भएको सिलिण्डर विस्फोटमा परी १४ जना घाइते भएको र उनीहरुको कीर्तिपुरमा रहेको वर्न अस्पतालमा उपचार भइरहेको प्रहरीले जनाएको छ ।

ग्यास विस्फोटका कारण भुइँतलाको भवनमा समेत क्षति पुगेको छ । घटनाबारे थप अनुसन्धान भइरहेको काठमाण्डौ उपत्यका प्रहरी कार्यालयले जनाएको छ । कमलपोखरीको सानदार मःम पसलमा ग्यास विस्फोट हुँदा कामदार घाइते भएको प्रहरीले जनाएको छ ।