- २५ भाद्र २०८३, बिहीबार / Sep 10, 2026
एजेन्सी । साविक विजेता लिभरपुलले इंग्लिस प्रिमियर लिग फुटबलमा जित निकालेको छ । सेफिल्डको मैदानमा आइतबार राति भएको खेलमा लिभरपुलले सेफिल्ड युनाईटेडलाई २-० गोल अन्तरले पराजित गरेको हो ।
लिभरपुलका लागि कुर्टिस जोन्सले एक गोल गरे भने सेफिल्डका किन ब्रायनले एक आत्मघाती गोल गरे ।
खेलको पहिलो हाफ गोलरहित बराबरीमा सकिएको थियो ।
खेलको ४८ औं मिनेटमा जोन्सले गोल गर्दै लिभरपुललाई अग्रता दिलाएका थिए ।
त्यसपछि खेलको ६५ औं मिनेटमा ब्रायनले आत्मघाती गोल गर्दा लिभरपुलले २-० को जित निकाल्यो ।
जितसँगै लिभरपुल छैटौं स्थानमा उक्लिएको छ ।
लिभरपुलको २६ खेलमा ४३ अंक रहेको छ ।
सेफिल्ड ११ अंक जोडेर पुछारमा रहेको छ ।
