- ९ आश्विन २०८३, शुक्रबार / Sep 25, 2026
एजेन्सी । फिलिपिन्समा भीषण आगलागीमा परी कम्तीमा दुई हजार व्यक्ति घरविहीन भएका छन्। राजधानी मनिलाको एक आवासीय समुदायमा आइतबार भएको आगलागीमा कम्तीमा दुईहजार व्यक्ति घरविहीन भएका हुन ।
फिलिपिन्सको वायु सेनाले ‘मनिला बे’ क्षेत्रमा अवैध बसोवास गर्नेहरूको जलिरहेको वस्तीको आगो निभाउन पानीको प्रयोग गर्न हेलिकप्टरहरू पठाएको थियो। फिलिपिन्सको तटरक्षक बलले पनि आगो नियन्त्रणमा लिन चारवटा दमकल पठाएको जनाएको छ।
मनिला सिटी फायर डिपार्टमेन्टका अग्निनियन्त्रक अलेजान्ड्रो रामोसले बताएअनुसार मनिलामा आइतबार बिहान भएको आगलागीबाट करिब एक हजार घरटहरा जलेर नष्ट भएका छन्। आगो नियन्त्रणमा लिन करिब ३० वटा दमकल घटनास्थलमा जम्मा भएका थिए। यद्यपि, खाडीबाट आएको तीव्र बतासका कारण आगोको तीव्र फैलावट भएको रामोसले बताए। उनका अनुसार, साँघुरो सडकका कारण आगो नियन्त्रणमा थियो।
कुनै हताहत भएको खबर प्राप्त नभए पनि आगो निभाउने क्रममा केही अग्निनियन्त्रकहरू घाइते भएका छन्। आगलागीको कारण बारे अनुसन्धान भइरहेको प्रहरीले जनाएको छ। आगलागीपछि भागेका बासिन्दाहरू सडकमा जम्मा भएका कारण पनि अग्निनियन्त्रकलाई बस्तीभित्र पस्न गाह्रो भएको थियो।
