- २० आश्विन २०८३, मंगलवार / Oct 6, 2026
काठमाडौं । सीआईबीले ललितपुरबाट ५३ पक्राउ गरेको छ । ललितपुरको सातदोबाटोस्थित एक अवैध कल सेन्टरबाट सीआईबीको टोलीले ५३ जना पक्राउ गरेको हो । पक्राउ पर्नेमध्ये दुई जना भारतीय नागरिक रहेको र अरु नेपाली नै रहेको सीआईबीले जनाएको छ ।
सीआईबीले उनीहरुको साथबाट ८५ वटा ल्याप्टपका साथै ८२ वटा मोबाइल बरामद गरेको जनाएको छ ।
पक्राउ परेका व्यक्तिहरुले सातदोबाटोमा कल सेन्टर चलाएर अनलाइन जुवा लगायत अवैध गतिविधि गरिरहेको प्रारम्भिक अनुसन्धानबाट खुलेको प्रहरीको केन्द्रीय अनुसन्धान ब्युरो (सीआईबी) ले जनाएको छ ।
