मुग्लिन–पोखरा सडकअन्तर्गत पूर्वी खण्डमा ६८ प्रतिशत प्रगति, रातिको अवरोध हट्यो

काठमाण्डौ । देउराली सडक खण्डमा रातिको समयमा गरिएको अवरोध हटेको छ । पृथ्वीराजमार्गअन्तर्गत तनहुँको व्यास नगरपालिका–१२ छिर्कने मुग्लिन–पोखरा सडक विस्तारअन्तर्गत डाँडा काट्नमा गरिएको अवरोध हटेको हो ।

मङ्सिर ३ देखि २३ गतेसम्म राति ११ देखि बिहान साढे ४ बजेसम्म सडक बन्द गरी काम गरिएकामा अर्को सूचना प्राप्त नहुन्जेलसम्मका लागि बाटो खुला गरी गाडी आवागमन सञ्चालन गरिएको मुग्लिन–पोखरा सडक योजनाले जनाएको छ ।मुग्लिन–पोखरा सडकअन्तर्गत पूर्वी खण्डमा अहिलेसम्म ६८ प्रतिशत प्रगति भएको छ ।

पूर्वी खण्डअन्तर्गत १४ साना पुल निर्माण गरिएका छन् भने पूर्वी खण्डमा २०७७ माघमा सम्झौता भई २०७८ वैशाखदेखि काम शुरू भएको थियो । रातिको समयमा दैनिक साढे पाँच घण्टा सडक बन्द गरिएको थियो ।