पहिराेमा परी बेपत्ता भएका पाँच जना अझै भेटिएनन्

गोरखा । धार्चे गाउँपालिका ५, सिङ्लास्थित रेसेमा पहिराेमा परी बेपत्ता भएका पाँच जना अझैसम्म पनि भेटिएका छैनन् । शनिवार राति भीषण पहिरामा बेपत्ता भएकाहको खोजी सुरु भएको करिब १३ घण्टासम्म नभेटिएको जिल्ला प्रहरी कार्यालय गोरखाका प्रहरी नायब उपरीक्षक (डिएसपी) रमेशकुमार श्रेष्ठले बताए ।

उनले भने, ‘बेपत्ताको खोजीका लागि घटनास्थलमा डोजरको प्रयोग गरिएको छ । अहिलेसम्म कोही पनि फेला परिसकेको अवस्था छैन ।’ पहिराेले घर गहिरो गरी पुरिएकाले बेपत्ताको खोजी गर्न कठिनाइ भएको उनको भनाइ छ । पुरिएको घर आसपास ठाउँ र भित्तामा खोतल्ने काम भइरहेको डिएसी श्रेष्ठको भनाइ छ । खोजीमा नेपाली सेना, नेपाल प्रहरी, सशस्त्र प्रहरी, स्थानीयबासी खटिएका छन् ।