- १ आश्विन २०८३, बिहीबार / Sep 17, 2026
काठमाडौं । सिर्सिया नदी प्रदूषित गर्ने तीन उद्योगलाई कारबाहीस्वरुप ती उद्योगको मुख्यद्वारमा वीरगञ्ज महानगरपालिकाले फोहर थुपारिदिएको छ ।
सरसफाइ टोलीले ट्रयाक्टरमा फोहरमैला राखेर परवानीपुरस्थित अर्निका प्रोसेसिङ उद्योग, श्रीसिद्धि टेक्सटाइल्स र मोरियम लेदर इण्डस्ट्रिज प्रालीको मुख्यद्वारमा फोहोर थुपारिदिएको हो । उद्योगको परिसरमा प्रतिकात्मक कारबाहीस्वरुप आज फोहरमैला खसाली दिएको वीरगञ्ज महानगर प्रहरी प्रमुख हरि भुसालले बताए ।
सिर्सियामा फोहरमैला नफ्याँक्न बारम्बार अनुरोध गर्दा पनि उद्योगी व्यवसायीले अटेर गर्दै आएका थिए । १५ दिनभित्रै फोहरमैला व्यवस्थित नगरे कारबाही गर्ने चेतावनी दिएको थियो ।
तर उद्योगले फोहरमैला व्यवस्थित गर्न आलटाल गर्दै आएका थिए । फोहरमैला गर्ने उद्योगमा फोहर फ्याँक्ने कार्यक्रम जारी रहने उनको भनाइ छ ।
