- २६ भाद्र २०८३, शुक्रबार / Sep 11, 2026
भक्तपुर । सुर्यविनायक नगरपालिका वडा नं. ८ स्थित राष्ट्रिय प्राणी उद्यानको जंगलमा आगलागी भएको छ । नेपाली सेना, नेपाल प्रहरीले आगो नियन्त्रणमा लिन सफल भएपछि ठूलो क्षेती हुनबाट जोगिएको हो ।
आगलागीमा परेर करिब एक हेक्टर क्षेत्रफलको जंगलमा क्षेती पुगेको प्राणी उद्यानका प्रमुख भुपेन्द्र यादवले बताएका छन् । दिउसो लागेको आगो नियन्त्रणमा लिन जुद्धबारुण यन्त्रको दमकल तथा फायर फाइटरलाई करिब एक घण्टा समय लागेको प्रहरीले बताएको छ ।
आगलागि भएको खबर पाउनासाथ सुरक्षाकर्मीसहतिको टिम घटनास्थल पुगेर आगो नियन्त्रमा लिन सफल भएको स्थानीयले बताए । आगलागी भएको थाहा पाउनासाथ खबर गरेर छिटै नियन्त्रणमा लिन सफल भएको सव डिभिजन वन कार्यालय भक्तपुरका फरिस्टर रोषनी बुढाथोलीले बताइन् ।
गर्मी मौसम सुरु भएसंगै आगलागीका सम्भावना बढी नै हुने भएकाले सबै सचेतहुनु पर्ने सरोकारवालाले बताएका छन् । घटना कसरी घट्यो भन्नेमा अनुसन्धान भइरहेको प्रहरीले जनाएको छ ।
