दाङमा ट्रकको ठक्करबाट एक जनाको मृत्यु

काठमाडौं । दाङमा ट्रकको ठक्करबाट एक जनाको मृत्यु भएको छ। पश्चिमबाट पूर्वतर्फ जाँदै गरेको सुपप्र००१६ ख २७७९ नम्बरको ट्रकले राप्ती गाउँपालिका १ भालुबाङ्ग चोकमा ठक्कर दिँदा स्थानीय फलफूल व्यवसायी ५० वर्षीय लोकप्रसाद भट्टराईको मृत्यु भएको इलाका प्रहरी कार्यालय भालुबाङ्गका प्रहरी निरीक्षक अमरबहादुर माझीले जानकारी दिए।

मृतकका आफन्तले दोषीलाई कारवाही र मृतक परिवारलाई उचित क्षतिपूर्तिको माग राख्दै पुर्व-पश्चिम राजमार्ग अवरुद्ध गरेका छन्। ठक्कर दिने गाडी र चालकलाई प्रहरीले आफ्नो नियन्त्रणमा लिएको छ।