- १७ असार २०८३, बुधबार / Jul 1, 2026
काठमाडौं । कर्णाली राजमार्ण अन्तर्गत दैलेखको गुराँस गाउँपालिका २ तल्लो डुङ्गेश्वरमा गाडी दुर्घटनामा भएको छ । दुर्घटनामा परी १५ जना यात्रु घाइते भएका छन् भने ३ जनाको अवस्था गम्भीर छ ।
गम्भीर घाइते हुनेमा दैलेख आठबीस नगरपालिका ४ का २५ वर्षीय रिदम शाही, अछाम ढकारी गाउँपालिका १२ की ५० वर्षीया पार्वती शाही र सोही नगरपालिका ८ की ४ वर्षीया नेहा खड्का रहेको जिल्ला प्रहरी कार्यालय दैलेखका प्रहरी प्रमुख डीएसपी सुनिल दाहालले बताए ।
कैलालीबाट अछामतर्फ जाँदै गरेको सुप्र ०१००१ख३०४६ नम्बरको फोर्स गाडी मंगलबार साँझ दुर्घटना भएको हो । गाडी भित्तामा ठोकिएर दुर्घटना भएको दैलेख प्रहरीले जनाएको छ । गाडीमा २१ यात्रु सवार थिए ।
