- ३१ आश्विन २०८३, शनिबार / Oct 17, 2026
काठमाण्डौ । एक करोड ६० लाख अमेरिकी डलर अफगानिस्तानले लिलामी गर्ने भएको छ । अफगानिस्तानको केन्द्रीय बैङ्कले उक्त परिमाणको अमेरिकी डलर लिलामी गर्ने भएको हो ।
डलरको तुलनामा आफ्नो मुद्रा कमजोर हुँदै गएपछि अफगानिस्तानको केन्द्रीय बैङ्कले आफ्नो मुद्राको अवमूल्यन रोक्न बितेका केही महिनामा विनिमय बजारहरूमा लाखौँ अमेरिकी डलर प्रवेश गराएको छ। बैङ्कले निकालेको विज्ञप्तिमा अमेरिकी डलरको तुलनामा अफगानिस्तानको मुद्रा पछिल्ला दुई हप्ताहरूमा निकै खस्किरहेको छ ।
गएको हप्ता एक अमेरिकी डलरको विनिमयदर ६९ दशमलव ९ अफगानी थियो भने शनिबार स्थानीय विनिमय बजारमा ७३ दशमलव ४ अफगानी पुग्यो । राष्ट्रिय मुद्राको विनिमय दर स्थिर पार्न अमेरिकी डलर लिलामी गर्न लागेको बैङ्क द अफगानिस्तानलाई उद्धृत गर्दै चिनियाँ समाचारसंस्था सिन्ह्वाले जनाएको छ ।
