मर्यादाहीन भयो संसदीय छलफल: सापकोटा

काठमाडौं । संसदको गरिमा र ओज खस्कँदै गएको पूर्वसभामुख अग्निप्रसाद सापकोटाले बताएका छन् । नेपाल गणतान्त्रिक यातायात व्यवसायी संगठन वागममी प्रदेश समितिको दोस्रो अधिवेशनलाई सम्बोधन गर्दै सापकोटाले संसदमा हुने बहस, छलफल, शब्द चयनहरु स्तरहीन र मर्यादाहीन भएको दावी गरे ।

राम्रोसँग संसदीय गतिविधिहरु सञ्चालन हुन नसकेको जिकिर गर्दै उनले भने, ‘आज राम्रोसँग गतिविधि अघि बढेका छैनन् । संसद भन्दा उच्च जनप्रतिनिधिको थलो अर्को छैन । त्यहाँ हुने छलफल, बहस, शब्द चयन, वाक्य गठन सुन्दा हामीलाई के लाग्छ भने स्तरहीन, मर्यादाहीन भएको छ ।’

संसदीय छलफल ओज र गरिमायुक्त हुनुपर्नेमा त्यस्तो नभई आफ्नो साख गिराउँदै गएको तर्क गरे । उपाध्यक्ष सापकोटाले देश छटपटि, उकुसमुकुस वातावरणबाट गुज्रीरहेको बताए ।