- २६ असार २०८३, शुक्रबार / Jul 10, 2026
काठमाडौँ, ३ असाेज । अमेरिकाले संविधान पालना गर्ने पारदर्शी सरकारका लागि नेपाली जनताको चाहनालाई समर्थन गर्ने बताएको छ।
संविधान दिवसको अवसरमा शुभकामना दिँदै अमेरिकाले दक्षिण एसियामा स्थायित्व प्रवर्द्धन तथा सुरक्षित र स्थिर विश्व निर्माणमा योगदान पुर्याउने कार्यमा नेपाललाई साथ दिने जनाएको छ।
अमेरिकी विदेशमन्त्री मार्को रुबियोले भनेका छन्, “दक्षिण एसियामा स्थायित्व प्रवर्द्धन गर्ने तथा सुरक्षित र स्थिर विश्व निर्माणमा योगदान पुर्याउने कार्यमा नेपालको साथमा घनिष्ठ सहकार्यलाई निरन्तरता दिन उत्सुक छौँ।”
अमेरिकाले नेपालका जनता आर्थिक वृद्धिलाई अगाडि बढाउने, क्षेत्रीय सुरक्षालाई सबल पार्ने र सबैको समृद्धि प्रवर्द्धन गर्ने आशावादी भविष्यको हकदार रहेको पनि उल्लेख गरेको छ।
