- २६ असार २०८३, शुक्रबार / Jul 10, 2026
एजेन्सी । अमेरिकी राष्ट्रपति डोनाल्ड ट्रम्पले विश्वका १२ देशका नागरिकलाई अमेरिका यात्रा गर्न प्रतिबन्ध लगाउने घोषणापत्रमा हस्ताक्षर गरेका छन्। नयाँ आदेशअनुसार अफगानिस्तान, म्यानमार, चाड, कंगो गणतन्त्र, इक्वेटोरियल गिनी, एरिट्रिया, हैटी, इरान, लिबिया, सोमालिया, सुडान र यमनका नागरिकले अमेरिका यात्रा गर्न पाउने छैनन्।
बीबीसीले जनाएअनुसार यी देशका नागरिकले अमेरिकाको राष्ट्रिय सुरक्षामा खतरा पुर्याउने आशंका गरिएको छ। ह्वाइट हाउसकी प्रवक्ता एबिगेल ज्याक्सनले भनिन्, “राष्ट्रपति ट्रम्पले अमेरिकी नागरिकलाई खतरनाक विदेशीहरूबाट जोगाउन यो निर्णय लिएका हुन्। यी देशहरूबाट आउने व्यक्तिहरूले राष्ट्रिय सुरक्षामा जोखिम पुर्याउन सक्छन्।”
यो प्रतिबन्ध ट्रम्प प्रशासनको सन् २०१७ को पहिलो कार्यकालमा गरिएको सोही प्रकृतिको आदेशसँग मेल खान्छ। त्यो बेला सात मुस्लिम बहुल देशका नागरिकहरूलाई अमेरिका यात्रा गर्न निषेध गरिएको थियो, जसले अमेरिकाभित्र र बाहिर व्यापक आलोचना निम्त्याएको थियो। विश्लेषकहरूका अनुसार ट्रम्पको यो निर्णय आगामी चुनावलाई लक्षित गर्दै राष्ट्रवाद र कडा आप्रवासन नीतिको पुनः दोहोर्याइएको प्रयास हो।
