- २ कार्तिक २०८३, सोमबार / Oct 19, 2026
एजेन्सी । अमेरिकामा २५ प्रतिशत अतिरिक्त महसुल लाग्ने भएको छ । क्यानडा र मेक्सिकोबाट आउने सामानमाथि अमेरिकाले शनिबार फेब्रुअरी १ देखि लागू हुने गरी उक्त कर लगाउने भएको हो ।
यी देशका सीमाबाट अमेरिकामा ठुलो सङ्ख्यामा भित्रिने अवैध आप्रवासी र लागू औषध नियन्त्रण गर्न यस्तो कदम चालिएको अमेरिकाले जनाएको छ ।
यो कर ती देशबाट आउने तेलमा लागू हुन्छ कि हुन्न भन्नेबारे निर्णय भइनसकेको अमेरिकी राष्ट्रपति डोनाल्ड ट्रम्पले भनेका छन् ।
चीनबाट आयात हुने सामानमा छिटोमा यही महिनादेखि १० प्रतिशत कर लाग्ने पनि ट्रम्पले बताएका छन् ।
चीनबाट अमेरिकामा फेन्टानिल तस्करी भइहरेको र यसका कारण सयौँ हजारौँको मृत्यु भइरहेको कुरालाई ट्रम्पले पुनः दोहोर्याए । चीनले यसको लागि पनि महसुल तिर्नु पर्ने उनको भनाइ थियो । ओभल अफिसमा पत्रकारहरूसँग कुराकानी गर्ने क्रममा उनले यस्तो बताएका हुन् ।
