लागू औषध सहित औषधी पसले  लोकन्थलीबाट पक्राउ

भक्तपुर । लागू औषधसहित औषधी पसले पक्राउ परेका छन् । मध्यपुर ठिमी नगरपालिका वडा नं.१ लोकन्थली स्थित एक औषधी पसलमा लागू औषध विक्री वितरण भइरहेको छ भन्ने गोप्य सूचनाको आधारमा जिल्ला प्रहरी परिसर भक्तपुर र प्रहरी वृत्त ठिमीबाट खटिएको टोलीले रोहित सिंहलाई पक्राउ गरेको हो ।

सिराहा नरह गाँउपालिका वडा नं २ घर भई हाल भक्तपुर लोकन्थली बस्दै आएका बर्ष ३० का रोहित सिंह, त्यस्तै दाङ घोराही उपमहानगरपालिका वडा नं १५ घर भई हाल ललितपुर बालकुमारी बस्ने बर्ष २२ का बलिराम खड्काको साथबाट Tapentadol Tablets Tapenta लेखिएको – १३० ट्याब्लेट,

Tapentadol Tablets 100mg. लेखिएको – ५५ ट्याब्लेट बरामद गरेको जिल्ला प्रहरी परिसर भक्तपुरका सूचना अधिकारी प्रहरी नायव उपरिक्षक ढुण्डीराज नेउपानेले बताउनु भयाे । अहिले उनीकाे अनुसन्धान भइरहेकाे उहाँकाे भनाइ छ ।