- १ कार्तिक २०८३, आईतवार / Oct 18, 2026
सिन्धुली । सिन्धुली–रामेछाप जोड्ने सुनकोशी नदिमा नेपाली सेनाले बेलिब्रिज हाल्ने काम सकेपछि स्थानीय खुसी भएका छन् । एक–दुई दिनभित्रै बेलिब्रिजको भारवहन क्षमता जाँच गरेर सवारी साधन सञ्चालनमा आउने भएपछि उनीहरु खुसी भएका हुन ।
बेलिब्रिजको काम सकिएको नेपाली सेनाले जनाएको छ । गत असोज ११ र १२ गतेको अविरल वर्षापछि आएको बाढीले सुनकोशी नदीको पुल रामेछापतर्फ ५१ मिटर बगाएको थियो ।
भारवहन क्षमता जाँच सफलतापूर्वक सम्पन्न भएको र अहिले यात्रीहरूलाई कामको समय मिलाएर सेनाले पुलबाटै वारपार गर्न दिइएको छ । अब स्थानीयको मात्रै होइन यो बाटो भएर यात्रा गर्नेहरुको दैनिकी पनि सहज हुने पुल निर्माणमा खटिएका १४ नम्बर वाहिनीका फिल्ड कमान्डर प्रमुख सेनानी नारायण तुम्वाहाम्फेले बताए ।
