सशस्त्र प्रहरी बलद्वारा २ सय ३५ केजी गाँजा बरामद

काठमाडौं । सशस्त्र प्रहरी बलले २ सय ३५ केजी गाँजासहित जिप नियन्त्रणमा लिएको छ । सुनसरीको भोक्राहा नरसिंह गाउँपालिका–८ स्थित हुलाकी मार्गबाट उक्त गाँजासहित गाडी नियन्त्रणमा लिएको हो ।

सशस्त्र प्रहरी बलले गाडी रोक्ने क्रममा चालकले गाडी भगाउन खोज्दा खेतमा गाडी फसेको र त्यसपछि चालक गाडी छाडेर भागेको सशस्त्र प्रहरीले जनाएको छ । बरामद गाँजा र गाडी आवश्यक कारबाहीको लागि सम्बन्धित निकायमा बुझाइएको छ ।

सोही गाउँपालिकाको फुलचोकबाट दक्षिणमा पर्ने भारतीय सीमा इलाकातर्फ जादै गरेको बा ९ च ७१६६ नम्बरको जिपमा लुकाई छिपाई राखेको अवस्थामा ८ बोरा प्रतिबन्धित लागूऔषध गाँजा बरामद भएको हो । बोर्डर आउट पोष्ट (बिओपी) लौकही र सुरक्षा बेस भुटाहाको टोलीले गाँजा बरामद गरेको सशस्त्र प्रहरीले जनाएको छ ।