- २४ भाद्र २०८३, बुधबार / Sep 9, 2026
काठमाडौं। विदेश जान लागेका व्यक्तिहरुको नक्कली डकुमेन्ट बनाउने गरेको सूचनाका आधारमा एक कलाकार पक्राउ परेका छन् ।
कलाकार भिसामा युरोप पठाउने कलाकार सुलेमान शंकर (इकु) भनिने सूर्यमान शंकर पक्राउ परेका हुन ।
विदेशमा हुने सांस्कृतिक कार्यक्रकहरुमा गैर कालाकारलाई कालाकार बनाएर क्यानडा, अष्ट्रेलिया तथा युरोपका अन्य देशहरुमा लैजाने भन्दै ठगी गरेको आरोपमा उनी पक्राउ परेको सीआईबीले जनाएको छ ।
पक्राउ परेका इकुविरुद्ध ठगीको कसुरमा काठमाडौं जिल्ला अदालतबाट ५ दिनको म्याद भएर अनुसन्धान अघि बढाइएको प्रहरीले जनाएको छ ।
उनले सञ्चालन गरेको एसएमएस फिल्म प्रालिको नाममा ग्लोबल आईएमई बैंकमा रहेको खातामा प्रतिव्यक्ति १५ देखि २० लाख रकम जम्मा गर्न लगाएको पाइएको सीआईबीले जनाएको छ । प्रहरीको केन्द्रीय अनुसन्धान ब्यूरो सीआईबीले मंगलबार ४० वर्षीय इकुलाई बुढानीलकण्ठबाट पक्राउ गरेको हो ।
