- २६ भाद्र २०८३, शुक्रबार / Sep 11, 2026
भक्तपुर । ‘चाँगुनारायण सिटी, एभोकाड़ो सिटी अभियान’ अन्तर्गत यो वर्ष पनि ३४ हजार एभोकाडोको विरुवा निःशुल्क वितरण भईरहेको छ । भक्तपुरको चाँगुनारायण नगरपालिका क्षेत्रका पुरातात्विक एवं एतिहासिक क्षेत्रमा गत वर्षदेखि संचालित यो अभियान यो वर्ष भ्रमण वर्ष लक्षित भएको छ । वर्षायाममा मात्र विरुवा रोप्ने कार्यक्रम गर्दै आएको यस अभियानले गत वर्ष करिब ७ हजार एभोकाड़ोको विरुवा वितरण गरेको थियो ।
यो वर्ष वडा नम्बर १, ३, ६ र ७ नम्बर वडामा गरी करिब ३ हजार बिरुवा वितरण गरि सकिएको छ । भदौंसम्म विरुवा बाढ्ने क्रम चलिरहने अभियानका संयोजक नरेश खड्काले बताए । शुक्रवार बिहान झरी परिरहेको थियो । नगरकोट हुस्सुले भरिएको थियो । तर झरीको कुनै प्रवाह नगरी वडा नं ६ का वडावासी एभोकाडोको विरुवा लगिरहेका थिए भने अभियान्ता भिज्दै विरुवा वितरण गरिहेका थिए ।
चाँगुनारायण नगरपालिका वडा नं. ६ नगरकोट पुगेका अभियन्तालाई स्थानीयले न्यानो स्वागत समेत गरेका थिए । अभियानलाई अझ ससक्त बनाएर सबै वडाबासीको घरमा दुई वटा विरुवा वितरण गरिएको वडा नम्बर ६ का वडाध्यक्ष धनबहादुर लामाले बताए । उनकै नेतृत्वमा स्थानीयले अभियन्तालाई स्वागत गरेका थिए । सो अवसरमा अभियानका परिकल्पनाकार डिपी ढकालले प्रदेशको माटो सुहाउदो विरुवा वितरणका कार्य भएपनि चाँगुनारायणलाई एभोकाडो सिटीमा रुपान्तरण गर्न र नगरवासीको आयआर्जनमा टेवा पुग्ने भएकाले अभियान थालेको बताए ।
अभियानमा संयोजक नरेश खड्का, अभियान्ता सुनिल गोठे बासु, दिनेश खनाल, चण्डिका लामिछाने, नरेश रंजित, राजु कुटु, मदन ढुंगाना, राजेश्वरी शिल्पकार, गीता राजथला, अमृता संजेल, मदन श्रेष्ठ, सुनिल नेम्हाफुकी, सोनिया ठकुरी, धर्म थिङ्ग, राजेश नेपाल, हरिशरण तिमल्सिना, प्रयास लामा, रोहित मोक्तान, रामकुमार बुढाथोकी लगायतकाको सहभागिता रहेको थियो ।
नगरकोटको भट्टेडाँडामा आयोजित विरुवा वितरण कार्यक्रममा वडाध्यक्ष धनबहादुर लामाले सरकारी स्तरमा संचालन गर्नुपर्ने काम अभियन्ताहरुको सामुहिक पहलमा गरिएकोमा उत्साहित भएर स्थानीयको नेतृत्व गरेको अभियानका प्रवक्ता संजीप घिमिरेले बताए । यस अभियानले चाँगुनारायणको बातावरण संरक्षण र सम्वृद्धिमा समेट टेवा पुग्ने अभियान्ताको भनाइ छ । आफ्नो अनुकूलतामा पर्यावरण र आर्थिक उपार्जनका लागि नागरिक स्तरमै अभियान संचालन हुदा यस क्षेत्रका नागरिक पनि खुसी भएका छन् ।
