बाढी पहिरोबाट २४६ जनाको मृत्यु

काठमाडौं । बाढी पहिरोबाट हालसम्म २४६ जनाको मृत्यु भएको छ । अघिल्लो हप्ताको अविरल वर्षाका कारण आएको बाढी पहिरोमा परी ज्यान गुमाउनेको सङ्ख्या दुई सय ४६ जना पुगेको प्रहरीले जनाएको छ ।

१८ जना अझै बेपत्ता रहेका छन् । त्यस्तै एक सय ७८ जना घाइते भएका छन् । पहिरोमा परी पाँच वटा जिल्लामा धेरै जनाको ज्यान गएको छ । जसमध्ये काभ्रेमा सबैभन्दा धेरै ७८ जना, ललितपुरमा ४६, धादिङमा ३९, काठमाडौंमा १९, सिन्धुपाल्चोकमा १० जना, भक्तपुरमा ५ जनाको ज्यान गएको नेपाल प्रहरीले जनाएको छ ।

प्रहरीको पछिल्लो तथ्याङ्कअनुसार बाढी पहिरो प्रभावित क्षेत्रबाट १७ हजार एक सय ७४ जनाको उद्धार गरिएको छ ।