- ३१ आश्विन २०८३, शनिबार / Oct 17, 2026
काठमाडौं । अविरल वर्षाका कारण आएको बाढीपहिरो र डुबानमा परी हालसम्म १९२ जनाको मृत्यु भएको छ । ३० जना बेपत्ता भएका छन् । विपदमा १९४ जना घाइते भएको गृह मन्त्रालयले जनाएको छ ।
बाढीपहिरोपछिको खोज, उद्धार र राहतका लागि सबै सुरक्षा निकाय परिचालित भई हालसम्म करिब चार हजार पाँच सयभन्दा बढी विपद् प्रभावितको उद्धार गरिएको छ । प्रभावितलाई खाद्यान्नलगायत आपत्कालीन राहत सामग्री उपलब्ध गराइएको तथा घाइतेको निःशुल्क उपचार भइरहेको छ ।
सरकारले खोज तथा उद्धार र राहतलाई उच्च प्राथमिकता दिएको जनाएको छ । अवरुद्ध राजमार्ग खोल्न पहल भइरहेको छ।
