आज यी क्षेत्रमा आकस्मिक बाढी, जोखिमबाट बच्न अनुरोध

काठमाडौँ । भारी वर्षाको सम्भावना रहेकोले नदी तथा खोलामा आकस्मिक बाढी आउने सम्भावना रहेको बाढी पूर्वानुमान महाशाखाले जनाएको छ । आज महाकाली, पश्चिमसेती, र कर्णाली नदीको जलसतह उल्लेख्य बढ्ने भएकोले नदी तटीय क्षेत्रका क्रियाकलापमा सावधानी अपनाउन अनुरोध गरेको छ ।

सिन्धुपाल्चोक, दोलखा, बाजुरा, अछाम, दैलेख, डोटी, डडेलधुरा, बैतडी, दर्चुला आसपासका जिल्लाभई बहने स–साना नदीहरूमा पनि बहाव बढ्ने तथा आकस्मिक बाढीको जोखिम रहेको महाशाखाले जनाएको छ ।

कोशी, बागमती, गण्डकी, लुम्बिनी, कर्णाली र सुदूर पश्चिम प्रदेशका एक–दुई स्थानमा भारी वर्षा हुने मौसम पूर्वानुमान महाशाखाले जानकारी दिएको छ ।