अहिलेसम्म १७ जनाको शव भेटियो, ५ जनाको सनाखत हुन बाँकी

चितवन । सिमलतालस्थित पहिरोमा परेर त्रिशूलीमा बेपत्ता भएका दुईवटा बसका यात्रुमध्ये १७ जनाको शव फेला परेको छ । भेटिएकामध्ये १२ जनाको सनाखत भएको छ भने तीन पुरुष र २ महिलाको सनाखत हुन बाँकी छ ।

सनाखत भएकामध्ये गणपति डिलक्स बसका ७ जना यात्रु छन् । एन्जल बसका ४ जनाको सनाखत भएको छ । अर्का सनाखत भएका कुन बसका यात्रु थिए भन्ने कुरा यकिन नभएको उद्दारमा खटिएका सशस्त्र प्रहरी जवानले बताउका छन् ।

६ दिनदेखि अनवरत खोजी कार्य जारी छ तर अझै हराएका बस भेटिएका छैनन् । अहिलेसम्म भेटिएका शवहरु विभिन्न स्थानमा फेला परेका हुन् ।