- २१ भाद्र २०८३, आईतवार / Sep 6, 2026
अविरल वर्षासँगै आएको पहिरोले बाजुराको बडीमालिका नगरपालिका–९ मा आधा दर्जनभन्दा बढी घरमा क्षति पुर्याएको छ ।
मोती उखेडा, धनबहादुर विक, तुले विक, परे थापा, जंग उखेडा र दीपक विकलगायतका घरमा क्षति पुगेको छ ।
केही घर पहिरोका कारण पूर्ण रूपमा क्षतिग्रस्त भएका छन् ।
पहिरोमा परेर मोती उखेडाका दुईवटा गोरु मरेका छन् ।
घर तथा गोठमा क्षति पुगे पनि मानवीय क्षति भएको छैन ।
पहिरो घरभित्र पस्दा भाँडाकुँडा, लत्ताकपडा र अन्नपातलगायतका सामग्रीमा क्षति पुगेको छ ।
निरन्तर वर्षाका कारण जिल्लाका अन्य क्षेत्रमा पनि बाढी, पहिरो र डुबानबाट क्षति भएको प्रारम्भिक विवरण आउन थालेको प्रहरीले जनाएको छ ।
धनगढी, २१ भदौ । अविरल वर्षासँगै आएको पहिरोले बाजुराको बडीमालिका नगरपालिका–९ मा आधा दर्जनभन्दा बढी घरमा क्षति पुर्याएको छ । घरमाथिबाट खसेको पहिरोले मोती उखेडा, धनबहादुर विक, तुले विक, परे थापा, जंग उखेडा र दीपक विकलगायतका घरमा क्षति पुगेको हो । पहिरोका कारण केही घर पूर्ण रूपमा क्षतिग्रस्त भएका छन् ।
पहिरोमा परेर मोती उखेडाका दुईवटा गोरु मरेका छन् । जिल्ला प्रहरी कार्यालय बाजुराका प्रहरी नायब उपरीक्षक शैलेश्वरी बोहराका अनुसार पहिरोले घर तथा गोठमा क्षति पुर्याए पनि मानवीय क्षति भने भएको छैन ।
पहिरो घरभित्रै पसेपछि भाँडाकुँडा, लत्ताकपडा, अन्नपातलगायतका सामग्रीमा समेत क्षति पुगेको छ । घरमा पहिरो पसेपछि प्रभावित परिवार थप जोखिममा परेका छन् ।
अविरल वर्षाका कारण बाजुराका अन्य विभिन्न स्थानमा समेत बाढी, पहिरो र डुबानबाट क्षति भएको प्रारम्भिक विवरण प्राप्त भइरहेको प्रहरीले जनाएको छ । जिल्लाका अन्य क्षेत्रमा कहाँ र कति क्षति भयो भन्नेबारे यकिन विवरण भने आउन बाँकी छ ।
वर्षा निरन्तर भइरहेकाले पहिरोको जोखिममा रहेका बस्ती तथा परिवारलाई सतर्क रहन र सम्भावित जोखिमबाट जोगिन सुरक्षित स्थानमा बस्न प्रहरीले आग्रह गरेको छ ।
