ढाकामा सेनाको तालिम विमान दुर्घटना, १९ जनाको ज्यान गयाे, सयौं घाइते

मुख्य बुँदा

बङ्ग्लादेशको राजधानी ढाकामा वायुसेनाको तालिमका लागि प्रयोग हुने विमान माइलस्टोन स्कूल तथा कलेजको भवनमा ठोक्कियो

दुर्घटनामा कम्तीमा १९ जनाको ज्यान गएको छ भने करिब १५० भन्दा बढी घाइते

घटना विद्यालयमा परीक्षा सञ्चालन भइरहँदा भयाे

घाइतेहरूलाई नजिकैका अस्पतालमा भर्ना

सरकारले दुर्घटनाको कारण पत्ता लगाउन छानबिन सुरु गरिसकेको जानकारी

भोलि देशभरि शोक मनाउने घोषणा

ढाका, ५ साउन । बङ्ग्लादेशको राजधानी ढाकामा वायुसेनाको तालिमका लागि प्रयोग हुने एउटा विमान आज दिउँसो माइलस्टोन स्कूल तथा कलेजको भवनमा ठोक्किँदा कम्तीमा १९ जनाको मृत्यु भएको छ भने करिब १५० भन्दा बढी घाइते भएका छन्।

घाइतेहरूलाई नजिकैको अस्पतालहरूमा भर्ना गरिएको छ। दुर्घटना विद्यालयमा परीक्षा सञ्चालन भइरहँदा भएको थियो। एक विद्यार्थीका अनुसार दुर्घटना अचानक भयो र सबै अचम्मित भए।

सरकारले दुर्घटनाको कारण पत्ता लगाउन छानबिन गर्ने निर्णय गरेको छ। साथै, भोलि देशभरि शोक मनाउने घोषणा गरिएको छ।