- २४ भाद्र २०८३, बुधबार / Sep 9, 2026
बम्बई, ५ साउन । भारतको बम्बई उच्च अदालतले सन् २००६ को मुम्बई लोकल ट्रेन विस्फोट प्रकरणका सबै १२ आरोपीलाई सफाइ दिएको छ।
विस्फोट प्रकरणमा विशेष अदालतले २०१५ मा उनीहरूलाई दोषी ठहर गरी पाँचजनालाई मृत्युदण्ड र सातजनालाई आजीवन कारावासको सजाय सुनाएको थियो।
तर, उच्च अदालतले अभियोजन पक्षले आरोप प्रमाणित गर्न नसकेको भन्दै विशेष अदालतको फैसला खारेज गरेको छ। अदालतले लामो समयपछि दिइएको बयानमा विश्वास गर्न नसकिने तर्क प्रस्तुत गरेको छ।
सन् २००६ जुलाई ११ मा मुम्बई लोकल ट्रेनमा ७ वटा शृङ्खलाबद्ध विस्फोट हुँदा १८९ जनाको मृत्यु र ८२४ जना घाइते भएका थिए। यी विस्फोटहरू प्रेसर कुकर बमले गरिएका थिए।
