यी प्रदेशमा चट्याङसहित वर्षाको सम्भावना

काठमाडौं । कोशी, मधेसलगायत प्रदेशको अधिकांश भाग र बागमती प्रदेशको पूर्वी भागमा मनसुनी वायुको प्रभाव कायमै छ । आंशिकदेखि साधारणतया बदली रही बाँकी भागमा मौसम मुख्यतया सफा रहने छ ।

कोशी प्रदेशका थोरै स्थानहरूमा तथा बागमती प्रदेश र गण्डकी प्रदेश लगायत बाँकी पहाडी भागका एक दुई स्थानमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ। दसैँको नवमी र दशमीका दिन कोशी प्रदेश र मधेस प्रदेश लगायत बागमती प्रदेश र गण्डकी प्रदेशका पहाडी भागमा बदली रहनेछ ।

उक्त दिन अधिकांश स्थानहरूमा अधिकतम तथा न्यूनतम तापक्रम सरदर भन्दा थोरै घट्ने सम्भावना रहेको छ ।