भारतीय उद्योगपति रतन टाटाको निधन

काठमाडौं । प्रसिद्ध भारतीय उद्योगपति रतन टाटाको निधन भएको छ । गए राति मुम्बईस्थित एक अस्पतालमा उनको निधन भएको हो । टाटा सन्सका अध्यक्ष एन चन्द्रशेखरनले एक वक्तव्य जारी गर्दै रतन टाटाको निधन भएको भारतीय मिडियाले उल्लेख गरेका छन् ।

उनको निधनमा भारतका राष्ट्रपति, प्रधानमन्त्री लगायतले दुःख व्यक्त गरेका छन् । उद्योगी रतन टाटा निकै लोकप्रिय थिए । राष्ट्रपति द्रौपदी मुर्मूले उनको निधनले भारतले कर्पोरेटको विकासलाई देशको विकाससँग जोड्ने तथा उत्कृष्टतालाई नैतिकतासँग जोड्ने एक आइकन गुमाएको टिप्पणी गरेकी छन् ।

२८ डिसेम्बर सन् १९३७ मा जन्मिएका टाटाको ९ अक्टोबर २०२४ मा निधन भएको हो । भारत सरकारले उनलाई पद्म विभुषणले सम्मान गरेको थियो ।