६ करोड ११ लाखको तास भित्रियो

काठमाडौं । दुई महिनामा ६ करोड ११ लाख रुपैयाँ मूल्य बराबरको तास नेपाल भित्रिएको छ ।

भन्सार विभागले सार्वजनिक गरेको वैदेशिक व्यापारको विवरण अनुसार चालू आर्थिक वर्षको साउन र भदौमा ६ करोड ११ लाख ६४ हजार रुपैयाँ बराबर मूल्यमा २० लाख ७ हजार ८९२ थान तास नेपाल भित्रिएको हो । यसपटक तासको निर्यात घटेको छ ।

गत आर्थिक वर्षको पहिलो दुई महिनामा ६ करोड ४४ लाख ८४ हजार रुपैयाँको तास आयात भएको थियो । तासको आयात बापत सरकारले ३ करोड ५२ लाख ८५ हजार रुपैयाँ राजस्व सङ्कलन गरेको छ ।

गत वर्षको सोही अवधिमा सरकारले तास आयातबापत ४ करोड ४ लाख ३३ हजार रुपैयाा राजस्व संकलन गरेको थियो ।