तीन दिनसम्म मौसममा सुधार नहुने

काठमाडौं । पश्चिमी न्यून चापीय प्रणालीको प्रभावले काठमाडौँ उपत्यकासहित देशका विभिन्न स्थानमा वर्षा भएको छ ।

आगामी तीन दिनसम्म वर्षाको सम्भावना रहेको महाशाखाका मौसमविद् सञ्जीव अधिकारीले बताए । झरी नपरेपनि आगामी तीन दिनसम्म मौसममा सुधार नहुने उनको भनाइ छ ।

आज कोशी र मधेस प्रदेशमा हुरीसहित वर्षाको सम्भावना रहेको छ । हिजो विशेषगरी कोशी, मधेस र बागमती प्रदेशमा वर्षा भएको छ । काठमाडौँ उपत्यकाका विभिन्न स्थानमा आज पनि पानी परिरहेको छ ।