- ११ कार्तिक २०८३, बुधबार / Oct 28, 2026
भक्तपुर, २९ चैत । नयाँ वर्ष २०८२ को अवसरमा भक्तपुरको सल्लाघारीमा जारी नवौं ‘भक्तपुर औद्योगिक, सांस्कृतिक, पर्यटन, कृषि तथा व्यापार महोत्सव–२०८१/८२’ को दोस्रो दिन शुक्रबार भव्य रूपमा हुँदैछ । भक्तपुरलाई ‘उद्योग, संस्कृति र कृषि’ को संगमका रूपमा चिनाउने उद्देश्यले औद्योगिक शान्ति नेपाल संस्था र मध्यपुर ब्वाइज ब्याण्डले आयोजना गरेको यो महोत्सवले दर्शकहरूको उल्लेख्य सहभागिता प्राप्त गरेको छ।
दोस्रो दिनको मुख्य आकर्षणका रूपमा चर्चित कलाकारहरू रवि रिमाल, सरोज लामिछाने, रमेश श्रेष्ठ, र एरिक विश्वकर्माले सांगीतिक प्रस्तुति दिनेछन् । साथै, खुल्ला नृत्य र स्थानीय कलाकारहरूको विशेष प्रस्तुति रहने छ ।
महोत्सवमा राखिएका विभिन्न सामग्रीहरूमा २० देखि ५० प्रतिशतसम्मको आकर्षक छुट प्रदान गरिएको छ। प्रवेशका लागि टिकट शुल्क रु. ८० र रु. ५० निर्धारण गरिएको छ। भक्तपुरको सांस्कृतिक, औद्योगिक, र कृषि सम्भावनालाई उजागर गर्न यो महोत्सवले महत्त्वपूर्ण योगदान पुर्याउने अपेक्षा गरिएको छ।
