भारतीय विदेश सचिव विक्रम मिश्री काठमाडौं आइपुगे

काठमाडाैं, १ भदाै । प्रधानमन्त्री केपी ओलीलाई भारत भ्रमणको औपचारिक निम्तो दिन भारतीय विदेश सचिव विक्रम मिश्री आज काठमाडौं आइपुगेका छन् । भारतीय वायुसेनाको विमानबाट मिश्री त्रिभुवन अन्तर्राष्ट्रिय विमानस्थलमा अवतरण भएका हुन् ।

काठमाडौं पुगेका मिश्रीले सुरुमा समकक्षी परराष्ट्र सचिव अमृतबहादुर राईलाई भेट्नेछन् । त्यसपछि प्रधानमन्त्री केपी ओली, परराष्ट्रमन्त्री आरजु राणा लगायतका उच्चपदस्थ राजनीतिज्ञसँग भेट गर्ने कार्यक्रम रहेको छ ।