- ३० आश्विन २०८३, शुक्रबार / Oct 16, 2026
जाजरकोट । भूकम्प प्रभावित जाजरकोटका अस्पतालमा काम गर्ने डाक्टरलाई प्रति महिना तलबबाहेक थप एक लाख भत्ता दिने भएको छ ।
जाजरकोट अस्पतालका लागि नवौं तहको कन्सल्टेन्ट जनरल फिजिसियन, कन्सल्टेन्ट सर्जन, कन्सल्टेन्ट अब्स्टेट्रिसियन एण्ड गाइनेकोलोजिस्ट, कन्सल्टेन्ट पेडियाट्रिसियन, कन्सल्टेन्ट अर्थोपेडिक सर्जन, कन्सल्टेन्ट एनेस्थेसियोलोजिस्ट चिकित्सक कर्णाली प्रदेश सरकारले सेवा करारमा राख्ने सूचना प्रकाशित गरेर को थियो ।
करारमा काम गर्न जाने डाक्टरहरूलाई एक लाख भत्ता दिने अस्पताल विकास समिति जाजरकोटले जनाएको छ । स्वास्थ्य क्षेत्रमा सहयोग गर्ने जर्मनीको नेपाल मेड नेपाल नामक संस्थाले दुर्गम क्षेत्रमा काम गर्ने डाक्टरहरूका लागि यस्तो गर्न लागेको हो । दुर्गममा काम गर्न नरुचाउँने भएपछि सस्थाले थप रकमको आशा देखाएर काम गर्ने वातावरण गर्न पहल गरेको हो ।
जाजरकोट अस्पतालमा डाक्टर पठाउने व्यवस्था मिलाउन थप भत्ताको व्यवस्था मिलाउन राष्ट्रिय स्वतन्त्र पार्टीकी सांसद तोसिमा कार्कीले संस्थासँग पहल गरेकी हुन् ।सांसद कार्की भूकम्पका बेला ३५ दिन जाजरकोट बसेर स्वास्थ्य उपचारमासमेत खटिएकी थिइन् ।
