भारतसँग सिमाना जोडिएका सीमा नाका बन्द

काठमाडौं । भारतसँग सिमाना जोडिएका पर्साका नाका बन्द भएका छन् । विहारको पश्चिम चम्पारणमा जेठ १२ गते हुने लोकसभा निर्वाचनका कारण नाका बन्द गरिएको हो ।

वीरगञ्ज भन्सार कार्यालयसहित पर्सा जिल्लाका सीमानाका बिहान ६ बजेदेखि बन्द भएको प्रमुख जिल्ला अधिकारी दिनेशसागर भुसालले बताए । जेठ १२ गते अपराह्न ६ बजेसम्म नेपाल–भारत सीमानाका बन्द हुने उनको भनाइ छ ।

दुई मुलुकमध्ये कुनै एकमा निर्वाचनमा हुँदा ४८ घण्टाअगावै सीमानाका बन्द गर्ने परम्परा भएकाले नाका बन्द भएको हो । पर्साको एक सय सात किलोमिटर सीमा क्षेत्र भारतसँग जोडिएको छ।