हवाई आक्रमणमा दुई हमास नेताको मृत्यु

एजेन्सी । हमासका प्रमुख नेतामध्ये एक अहमद् यासेर अलकारासहित पाँच जना आईडीएफ हवाई आक्रमणमा मारिएका छन् । युद्धमा इजरायली रक्षा बल (आईडीएफ) विरुद्ध आक्रमण र आतङ्कवादी षड्यन्त्रको नेतृत्व गरेको बुझिएको छ ।

इजरायलको आतङ्कवाद विरोधी गुप्तचर सहयोगमा गरिएको कारबाहीमा अलकारा र गाजा डिभिजनका सूचना प्रणाली प्रमुख फदी सलिमसहित पाँच लडाकू मारिएका हुन् । एन्टी–ट्याङ्क मिसाइलहरू आईडीएफ एकाइहरूका लागि रकेटभन्दा बढी खतरनाक मानिन्छ ।

इजरायली वायु सेनाका लडाकु विमानहरूले आईडीएफ दक्षिणी कमान्ड र इन्टेलिजेन्स विङको निर्देशनमा उत्तरी गाजा पट्टीको डार्ज टफाह क्षेत्रको फाहमी अल्जेरजावई विद्यालय परिसरबाट सञ्चालन गरिरहेका पाँच हमासलाई मारेका थिए ।