एक सैनिक विष्फोटक पदार्थसहित पक्राउ

काठमाडौं । नेपाली सेनाका अवकाश प्राप्त गोविन्द पुरी विष्फोटक पदार्थसहित पक्राउ परेका छन् । स्याङ्जाको चापाकोट नगरपालिका ४ का उनी दुईबर्ष अगाडी नेपाली सेनाबाट अवकाश पाएका हुन । ४५ बर्षिय पुरी ठूलो मात्रामा बिष्फोटक पदार्थसहित पक्राउ परेका हुन् ।

शनिवार घरको तेस्रो तलाबाट दोस्रो तलामा भाँडाहरु सार्ने क्रममा सकेट बम विष्फोट भएर पुरी घाइते भएका थिए ।सकेटबम पड्किएर पुरी घाइते भएको खबर इलाका प्रहरी कार्यालय चापाकोटलाई पुगेपछि प्रहरी घट्नास्थलमा पुगेको थियो । विष्फोटबाट घाइते पुरीलाई थप उपचारका लागि पाल्पास्थित लुम्बिनी मेडिकल कलेजमा पठाएको थियो ।

उपचारपछि अस्पतालले पुरीको स्वास्थ्य अवस्था खतरामुक्त रहेको भन्दै घरमा पठाएसँगै प्रहरीले थप अनुसन्धान गर्न उनलाई नियन्त्रण लिएको प्रहरी नायव उपरिक्षक हरी पौडेलले बताए । पुरीको घरबाट थप ठूलो परिणाममा विष्फोटक पदार्थ फेला पारेको डिएसपी पौडेलले बताए । ९ सय ग्राम बारुद, डेटकड २ थान, जंगी राउण्ड १ थान र खाली खोका २ थान बरामद गरिएको छ ।