दुई हतियारधारी समूहले गोली प्रहार गरी सुनको सिक्री र ब्रासलेट लुटपाट

महोत्तरी। एक युवकमाथि महोत्तरीमा गोली प्रहर भएको छ । सोमबार गोली प्रहार गरी सुनको सिक्री लुटपाट गरिएको प्रहरीले जनाएको छ । कम्मरमा गोली लागेर घाइते भएका युवकलाई उपचारको लागि जनकपुर लगिएको प्रहरीले जनाएको छ ।

महोत्तरीको गौशाला नगरपालिका–११ भरतपुर बस्ने ३० वर्षीय मुरारी भनिने विनय कुमार महतोमाथि मरहा खोलामा गोली प्रहार गरी सुनको सिक्री लुटपाट गरिएको हो । घटनास्थलमा दुईवटा गोली भेटिएको छ । गोली प्रहरी गर्नेको प्रहरीले खोजी गरिरहेको जनाएको छ ।

यता, गौशाला बजार जाँदै गर्दा मरहा खोलामा मोटरसाइकलमा आएका दुई हतियारधारी समूहले गोली प्रहार गरी सुनको सिक्री र ब्रासलेट लुटपाट गरेको स्थानीयको भनाई छ ।