- २७ असार २०८३, शनिबार / Jul 11, 2026
काठमाडौं । माउन्टेन फ्लाईटमा गएको बुद्ध एयरको ‘नाईन एन एजेएस’ कलसाईन विमानमा प्राविधिक समस्या देखिएको छ ।
विमानमा प्राविधिक समस्या देखिएपछ फर्काएर सुरक्षित अवतरण गरिएको बुद्ध एयरका सूचना अधिकारी दीपेन्द्रकुमार कर्णले बताए।अहिले उक्त विमानको प्राविधिक टोलीले जाँच गरिरहेको छ । विमानको दायाँ इन्जिनमा इण्डिकेटर समस्या देखिएको हुँदा काठमाडौँ सुरक्षित अवतरण गराइएको हो ।
बुद्ध एयरको आजको माउन्टेन फ्लाइटका लागि पाँच उडान निर्धारण गरिएकामा सबै उडान रद्द भएका छन् । टिकट लिएका यात्रुलाई अर्को उडानमा हिमालसम्म लगिने कम्पनीले जनाएको छ ।
