- २९ श्रावण २०८३, शुक्रबार / Aug 14, 2026
काठमाडौं । युवा तथा खेलकुद मन्त्रालयले युवा तथा साना व्यवसायी स्वरोजगार कोषको उपाध्यक्षका लागि दरखास्त आह्वान गरेको छ । बुधबार सूचना निकालेर कोषको उक्त आवेदन खुल्ला गरेको हो ।
दरखास्त फारमको नमुना, कार्ययोजनाको सम्भावित खाका, मूल्याङ्कनका आधारहरू र अन्य जानकारीको लागि युवा तथा खेलकुद मन्त्रालयको वेबसाइटमा हेर्न मन्त्रालयले आग्रह गरेको छ ।
युवा तथा साना व्यवसायी स्वरोजगार कोष (सञ्चालन) नियमावली, २०७७ को नियम ९ को उपनियम (४) को खण्ड (ग) बमोजिमको योग्यता र अनुभव पुगेका इच्छुक व्यक्तिले सूचना प्रकाशित भएको मितिले १० दिनभित्र सिफारिस समितिको सचिवालय युवा तथा खेलकुद मन्त्रालय, सिंहदरबारमा कार्यालय समयभित्र दरखास्त पेश गर्न भनिएको छ ।
