- २५ भाद्र २०८३, बिहीबार / Sep 10, 2026
काठमाडौं । चाउचाउमा एसिड भ्यालु अत्याधिक पाइएपछि चौधरी ग्रुपलाई २ लाख रुपैयाँ जरिवाना गरेको छ । गुणस्तर परीक्षण गर्दा चाउचाउमा एसिड भ्यालु अत्याधिक रहेको पाइएपछि महानगरको कृषि तथा पशुपन्छी विभागले जरिवाना गरेको हो ।
महानगरपालिकाको वडा नं ६, सरस्वती नगरको किराना पसलबाट वैशाख २ गते जफत गरिएको चाउचाउको १५० ग्राम नमुना परीक्षणका लागि प्रयोगशालामा पठाइएको थियो । परीक्षणले चाउचाउमा एसिड भ्यालु तोकिएको मात्रा भन्दा निकै बढी पाइएको देखिएको थियो ।
महानगरले जरिवाना तोक्नुका साथै सो लटको उत्पादन बजारबाट फिर्ता लगी त्यसको प्रमाण समेत पेस गर्न निर्देशन दिएको छ ।
